މިނިސްޓްރީގެ ރެކްރިއޭޝަން ކްލަބްގެ އިންތިޚާބު އިންސާފުވެރިކަމާއެކު ކުރިއަށްގެންދިއުމަށް ވަޒީރު އިލްތިމާސްކުރައްވައިފި
ވަޒީރު އާދަމް ޝަރީފު އުމަރު
މިނިސްޓްރީގެ ރެކްރިއޭޝަން ކްލަބްގެ އިންތިޚާބު އިންސާފުވެރިކަމާއެކު ކުރިއަށްގެންދިއުމަށް ވަޒީރު މިއަދު އިލްތިމާސްކުރައްވައިފިއެވެ.
މިނިސްޓްރީ އޮފް ސިޓީ، ލޯކަލް ގަވަރމެންޓް އެންޑް ޕަބްލިކް ވޯކްސްގެ ރެކްރިއޭޝަން ކްލަބްގެ އިންތިޚާބުގެ ވޯޓުލުން މިއަދު ކުރިއަށްދާއިރު، މި އިންތިޚާބުގެ ކަންކަން ޑިމޮކްރެޓިކް އުސޫލުން އަދި އިންސާފުވެރިކަމާއެކު ކުރިއަށް ގެންދިއުމަށް މިނިސްޓަރ އާދަމް ޝަރީފް ޢުމަރު އިލްތިމާސްކުރައްވައިފިއެވެ.
މިނިސްޓްރީގެ ރެކްރިއޭޝަން ކްލަބްގެ ހިންގާ ކޮމިޓީއަށް މެންބަރުން އިންތިޚާބުކުރުމަށް ބޭއްވޭ މި އިންތިޚާބުގެ ވޯޓުލުން މިހާރު ދަނީ މިނިސްޓްރީގެ އެކި ސައިޓްތަކުގައި ކުރިއަށެވެ. މި އިންތިޚާބުގައި މެންބަރުންގެ މަސްލަހަތު ހިމާޔަތްކުރެވިގެން ކުރިއަށްދިއުމަކީ ވަރަށް މުހިންމު ކަމެއް ކަމުގައި ވަޒީރު ފާހަގަކުރެއްވިއެވެ.
މީގެއިތުރުން، މި އަހަރުގެ މެއި މަހުގެ ތެރޭގައި ބޭއްވުމަށް ހަމަޖެހިފައިވާ "ދިވެހިންގެ އުފެއްދުންތެރިކަމުގެ މައުރަޒު 2025" އާ ގުޅޭގޮތުން މަޢުލޫމާތު ހިއްސާކުރެއްވުމަށް ބިޒްނަސް ސެންޓަރ ކޯޕަރޭޝަނާއި މިނިސްޓްރީއާ ދެމެދު މިއަދު ބައްދަލުވުމެއް ބޭއްވުނެވެ.
މިނިސްޓްރީގެ ރެކްރިއޭޝަން ކްލަބަކީ މުވައްޒަފުންގެ މެދުގައި އެކުވެރިކަން އާލާކޮށް، އިޖްތިމާޢީ ހަރަކާތްތައް ރާވައި ހިންގުމަށް އުފައްދާފައިވާ ކްލަބެކެވެ. މި ކްލަބްގެ ހިންގާ ކޮމިޓީގެ އިންތިޚާބު ކާމިޔާބުކަމާއެކު ނިމި، އަލަށް އިންތިޚާބުވާ ކޮމިޓީން މިނިސްޓްރީގެ މުވައްޒަފުންނަށް ފައިދާހުރި ގިނަ ހަރަކާތްތަކެއް ކުރިއަށް ގެންދާނެ ކަމަށް އުންމީދުކުރެވެއެވެ.
Republic of Maldives
ކޮމެންޓް