ފަތުރުވެރިކަމުގެ ދާއިރާގައި އިއާދަކުރަނިވި ހަކަތަ ބޭނުންކުރުން އިތުރުކުރުމަށް މަޝްވަރާކުރެވިއްޖެ
މަޓީގެ ބޭފުޅުން
ރިސޯޓުތަކުގައި އިއާދަކުރަނިވި ހަކަތަ ބޭނުންކުރުމުގެ މިހާރުގެ ހާލަތު ދެނެގަނެ، ކުރިމަގުގައި މިކަން އިތުރަށް ކުރިއެރުވުމަށް ހުރި ގޮންޖެހުންތަކާއި ފުރުސަތުތަކާ ބެހޭގޮތުން މަޝްވަރާކުރެވުން
މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް އެނާރޖީ، އޮނަރަބަލް ޠާރިޤް އިބްރާހީމް އަދި މިނިސްޓްރީގެ ޓެކްނިކަލް ޓީމް، މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އާއެކު ބައްދަލުވުމެއް ބާއްވައިފިއެވެ. މި ބައްދަލުވުމުގައި ރާއްޖޭގެ ރިސޯޓު ރަށްތަކުގައި އިއާދަކުރަނިވި ހަކަތަ ބޭނުންކުރުން އިތުރުކުރުމަށް އައު އުކުޅުތަކާއި ގޮތްތައް ހޯދުމާ ބެހޭގޮތުން މަޝްވަރާކުރެވުނެވެ.
މި ބައްދަލުވުމަކީ ރާއްޖޭގެ ފަތުރުވެރިކަމުގެ ދާއިރާގައި ދެމެހެއްޓެނިވި ގޮތެއްގައި އިއާދަކުރަނިވި ހަކަތަ ބޭނުންކުރުމަށް އެޅޭ މުހިންމު ފިޔަވަޅެއް ކަމަށެވެ.
"އަޅުގަނޑުމެން އެންމެން ގުޅިގެން މަސައްކަތްކޮށްގެން، ފަތުރުވެރިކަމުގެ ދާއިރާގައި ދެމެހެއްޓެނިވި މުސްތަޤުބަލެއް އުފެއްދުމަށް މަގުފަހިކުރެވޭނެ," މިނިސްޓަރ ޠާރިޤް ވިދާޅުވިއެވެ.
މި ބައްދަލުވުމުގައި ރިސޯޓުތަކުގައި އިއާދަކުރަނިވި ހަކަތަ ބޭނުންކުރުމުގެ މިހާރުގެ ހާލަތު ދެނެގަނެ، ކުރިމަގުގައި މިކަން އިތުރަށް ކުރިއެރުވުމަށް ހުރި ގޮންޖެހުންތަކާއި ފުރުސަތުތަކާ ބެހޭގޮތުން މަޝްވަރާކުރެވުނެވެ. އަދި މިކަމުގައި ސަރުކާރާއި އަމިއްލަ ފަރާތްތަކުގެ ގުޅުން ބަދަހިކުރުމުގެ މުހިންމުކަމާ ބެހޭގޮތުންވެސް ވާހަކަދެކެވުނެވެ.
މިނިސްޓްރީން ބުނެފައިވަނީ، މިފަދަ މަޝްވަރާތަކުގެ ސަބަބުން ރާއްޖޭގެ ފަތުރުވެރިކަމުގެ ދާއިރާގައި އިއާދަކުރަނިވި ހަކަތަ ބޭނުންކުރުން އިތުރުވެ، ތިމާވެށި ހިމާޔަތްކުރުމަށް އިތުރު ބާރެއް ލިބިގެންދާނެ ކަމަށެވެ.
Republic of Maldives
ކޮމެންޓް