އެމްޕީއެލްއިން އޯއެޗްއެސް ރިސްކް މެނޭޖްމަންޓް ތަމްރީން ޕްރޮގްރާމެއް މިއަދު ކުރިއަށް ގެންގޮސްފި

މާލޭ ކޮމާޝަލް ހާބަރުގެ މުވައްޒަފުންނަށް އަމާޒުކޮށްގެން ނުރައްކާތެރި ހާލަތްތައް ދެނެގަތުމާއި އޮކިއުޕޭޝަނަލް ހެލްތް އެންޑް ސޭފްޓީ (އޯއެޗްއެސް) ރިސްކް މެނޭޖްމަންޓް ތަމްރީން ޕްރޮގްރާމެއް މިއަދު ކުރިއަށް ގެންގޮސްފިއެވެ.

މި އަހަރުގެ މޭ 19 އިން 22 އަށް ހިންގުނު އިންޑަކްޝަން ސެޝަންތަކެއްގެ ތެރެއިން، އޮޕަރޭޝަންސް ޝިފްޓްތަކުގެ މުވައްޒަފުންނަށް އަމާޒުކޮށްގެން ކުރިއަށްގެންދެވުނު މި ތަމްރީން ޕްރޮގްރާމަކީ އެ ސެޝަންތަކުގެ ޢަމަލީ މަރުހަލާއެވެ.

ހެލްތް އެންޑް ސޭފްޓީ ޑިޕާޓްމަންޓުގެ ފަރާތުން ކުރިއަށްގެންދެވުނު މި ތަމްރީން ޕްރޮގްރާމުގައި މަސައްކަތުގެ މާހައުލުގައި ދިމާވެދާނެ ނުރައްކާތެރި ހާދިސާތައް ދެނެގަތުމާއި، އެފަދا ހާދިސާތައް ހިނގުމުގެ ފަހަތުގައިވާ މައިގަނޑު ސަބަބުތަކާއި، އެކަންކަމަށް މަގުފަހިވާ ކަންކަން ދެނެގަތުމަށް އަމާޒުކޮށް ތަމްރީންތައް ދެވުނެވެ.

މި ތަމްރީން ޕްރޮގްރާމުގެ މައިގަނޑު މަޤްޞަދަކީ މުވައްޒަފުންނަށް ދިމާވެދާނެ ނުރައްކާތެރި ހާލަތްތަކުން ރައްކާތެރިވުމަށް އަޅަންޖެހޭ ފިޔަވަޅުތައް އެޅުމަށް ބޭނުންވާ މަޢުލޫމާތު ފޯރުކޮށްދިނުމެވެ.

މިފަދا ތަމްރީން ޕްރޮގްރާމްތައް ކުރިއަށްގެންދިއުމަކީ މަސައްކަތުގެ މާހައުލުގައި ސަލާމަތާއި ރައްކާތެރިކަމުގެ ސަގާފަތެއް އަށަގެންނެވުމަށާއި، ހޭލުންތެރިކަން އިތުރުކުރުމަށް އަދި ހުރިހާ އޮޕަރޭޝަންތަކެއްގައިވެސް ކުރިއެރުން ހޯދުމަށް ކުރެވޭ މަސައްކަތްތަކުގެ ތެރެއިން ހިމެނޭ ކަމެކެވެ.