މާފަންނުގައި ހުރި އޮފީހެއްގައި އަލިފާން ރޯވެއްޖެ
ރޯވިތަން
މާފަންނުގައި ހުރި އޮފީހެއްގައި އަލިފާން ރޯވެއްޖެ އެވެ.
މިރިޔަސް މަގުގައި ހުންނަ ގުރާބާ ޓްވާސް އެންޑް ޓްރެވަލްސްގެ އޮފީހުގައި އަލިފާން ރޯވެ ދުން އަރަމުން ދާއިރު، ސިފައިން ދަނީ އެ ސަރަހައްދުގައި ހަރަކާތްތެރި ވަމުންނެވެ.
އަލިފާނުގެ ހާދިސާއަކާ ގުޅިގެން ސަރަހައްދުން މީހުން ހުސްކުރުމުގެ މަސައްކަތް ކުރިއަށްދާ ކަމަށް ފުލުހުން މިއަދު ވަނީ ހާމަކޮށްފައެވެ. އެ ސަރަހައްދުގައި ހަރަކާތްތެރިވަމުން އަންނަ ފުލުހުން ބުނީ ވަރަށް ބޯކޮށް ދުން ފެތުރެމުން އަންނަ ކަމަށާއި، ރައްކާތެރިކަމުގެ ގޮތުން ބައެއް ގެތަކުން މީހުން ހުސްކުރަމުންދާ ކަމަށެވެ.
ސަރަހައްދުގައި ހަރަކާތްތެރިވާ ފުލުހެއް ވިދާޅުވި ގޮތުގައި، "ވަރަށް ބޯކޮށް ދުންހުރި ނަމަވެސް އަލިފާންގަނޑު ފަޅާލާފައި ބޭރަށް އަދި ނުނިކުމޭ. ސިފައިން ވެސް ދަނީ އެފަދަ ހާލަތްތަކަށް ތައްޔާރު ވަމުން".
މި ހާދިސާއާ ގުޅިގެން އެމްއެންޑީއެފްގެ ފަޔަރ އެންޑް ރެސްކިއު ސަރވިސްގެ އިތުރުން ފުލުހުންގެ ޓީމުތައް ވެސް އެ ސަރަހައްދުގައި ހަރަކާތްތެރިވަމުން އެބަދެއެވެ. އަދި ހާދިސާ ހިނގި ސަރަހައްދު ވަނީ ބަންދުކޮށްފައެވެ.
އަލިފާނުގެ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަން ފުލުހުން ވަނީ ކަށަވަރުކޮށްދީފައެވެ. އެހެންނަމަވެސް ރައްކާތެރިކަމުގެ ގޮތުން އިތުރު އިންޒާރެއް އަންނަންދެން އާންމުން އެ ސަރަހައްދާ ދުރުގައި ތިބުމަށް އިރުޝާދު ދެމުންދެއެވެ.
Republic of Maldives
ކޮމެންޓް