އަހަރަކު 2,180 ހެލްތު ޗެކްއަޕް ހަދައިދޭ ކަމަށް މިނިސްޓްރީ އޮފް ހެލްތުން ހާމަކޮށްފި

މިނިސްޓްރީ އޮފް ހެލްތުގެ މެޑިކަލް ޗެކްއަޕް ޕްރޮގްރާމްގެ ދަށުން އަހަރަކު 2,180 މީހުންނަށް ހެލްތު ޗެކްއަޕް ހަދައިދެމުންދާ ކަމަށް އެ މިނިސްޓްރީން މިއަދު ހާމަކޮށްފިއެވެ.

މިނިސްޓްރީން މިކަން ހާމަކުރަމުން ބުނީ، ދުޅަހެޔޮ އާބާދީއެއް ބިނާކުރުމަށްޓަކައި ޕްރިވެންޓިވް ކެއަރއަށް އިސްކަންދިނުމަކީ މުހިންމު ކަމެއް ކަމަށެވެ. އަދި މިކަމުގައި ނަފްސާނީ ދުޅަހެޔޮކަމަށްވެސް އިސްކަންދޭންޖެހޭ ކަމަށް ފާހަގަކޮށްފައިވެއެވެ.

މިނިސްޓްރީން އިތުރަށް ފާހަގަކުރި ގޮތުގައި، "އަޅާލުމާއި، އޯގާތެރިކަން ދައްކައި، އެކަކު އަނެކަކަށް ތާއީދުކޮށް، ވަރުގަދަ، އެއްބާރުލުންދޭ މުޖުތަމަޢަކަށް" ވުމަށް މަސައްކަތްކުރުމަކީ މުހިންމު ކަމެކެވެ.

މި ޕްރޮގްރާމަކީ ރައްޔިތުންގެ ސިއްހަތު ރައްކާތެރިކުރުމަށް ހިންގޭ މުހިންމު ޕްރޮގްރާމެއް ކަމަށާއި، މީގެ ސަބަބުން ގިނަ ބަލިތައް ކުރިން ދެނެގަނެ، ފަރުވާ ހޯދުމަށް މަގުފަހިވެގެންދާ ކަމަށް މިނިސްޓްރީން ފާހަގަކޮށްފައިވެއެވެ.

އަދި މިނިސްޓްރީން ރައްޔިތުންނަށް ގޮވާލާފައިވަނީ މި ޚިދުމަތުގެ ބޭނުން ހިފުމަށާއި، އަމިއްލަ ސިއްހަތަށް އަހަންމިއްޔަތުކަން ދިނުމަށެވެ.