ގަވައިދާ ހިލާފަށް މަގުމަތީގައި ޕާކުކޮއްފަހުންނަ އުޅަނދުތަށް ނަގަން ފަށައިފި
ފުލުހުން އުޅަނދުތައް ނަގަނީ
މާލޭގެ އެކި ސަރަހައްދުތަކުގައި ގަވާއިދާ ޚިލާފަށް ޕާކުކޮށްފައި ހުންނަ އުޅަނދުތައް ނެގުމުގެ މަސައްކަތް މޯލްޑިވްސް ޕޮލިސް ސަރވިސްއިން ވަނީ ފަށައިފައެވެ.
މި މަސައްކަތަކީ އާންމު ރައްޔިތުންނަށް ފަސޭހަކަމާއެކު މަގު ބޭނުންކުރެވޭނެ އެކަށީގެންވާ މާހައުލެއް ގާއިމުކުރުމަށްޓަކައި ކުރެވޭ މަސައްކަތެއް ކަމަށް ފުލުހުން ވަނީ ބުނެފައެވެ.
މާލޭގެ މަގުތަކުގައި ދުއްވާ އުޅަނދުތަކާއި، މަގު ބޭނުންކުރާ ފަރާތްތަކަށް ދަތިވާގޮތަށް ޕާކުކޮށްފައި ހުންނަ އުޅަނދުތަކުގެ ސަބަބުން ގިނަ ފަރާތްތަކުން ޝަކުވާ ކުރަމުންދާކަން ފާހަގަކުރެވެއެވެ. މީގެ ތެރޭގައި ޚާއްސަކޮށް މަގުމަތީގައި ގިނަ ދުވަސްވަންދެން ބާއްވާފައި ހުންނަ އުޅަނދުތަކާއި، މަގުމަތީގެ ޓްރެފިކަށް ދަތިވާގޮތަށް ޕާކުކޮށްފައި ހުންނަ އުޅަނދުތައް ހިމެނެއެވެ.
ފުލުހުންގެ މި މަސައްކަތުގެ ދަށުން، ގަވާއިދާ ޚިލާފަށް ޕާކުކޮށްފައި ހުންނަ އުޅަނދުތައް ނެގުމަށްފަހު، އެ އުޅަނދުތައް ގެންދެވޭނީ ފުލުހުންގެ ބެލުމުގެ ދަށުގައިވާ ވަކި ސަރަހައްދަކަށެވެ. އަދި މިފަދަ އުޅަނދުތަކުގެ ވެރިފަރާތްތަކާމެދު ގަވާއިދުން ފިޔަވަޅު އެޅޭނެ ކަމަށްވެސް ފުލުހުން ވަނީ އަންގާފައެވެ.
މި މަސައްކަތަކީ މާލޭގެ މަގުތަކުގައި ދިމާވެފައިވާ ޕާކިންގގެ ދަތިކަން ހައްލުކުރުމަށް އެޅޭ އެއް ފިޔަވަޅު ކަމަށްވާއިރު، މާލޭގެ މަގުތަކުގައި އުޅަނދު ޕާކުކުރުމުގައި ގަވާއިދުތަކަށް ފުރިހަމައަށް ތަބާވުމަށް ފުލުހުން ވަނީ އާންމުންނަށް އިލްތިމާސްކޮށްފައެވެ.
މަޖިލީހުގެ މިއަދުގެ ޖަލްސާ ކެންސަލްކޮށްފި
ހަނިމާދޫ އިންޓަރނޭޝަނަލް އެއަރޕޯޓް އަލުން ތަރައްޤީކުރުމުގެ މަޝްރޫޢުގެ މަސައްކަތް ކުރިއަށްދާ ގޮތް ބެއްލެވުމަށް ބައްދަލުވުމެއް ބާއްވައިފި
ފާހާނާގައި ފެން ބޮޑުވާތީ ފާރު ތޮރުފާ މަގުމައްޗަށް ފެން ފައިބާ ގޮތަށް ދޫކޮށްލި މައްސަލައެއް ބަލަނީ
Republic of Maldives
ކޮމެންޓް