އެމްއެންޑީއެފްއިން 2 ސްކޫލެއްގެ ދަރިވަރުންނަށް ފަޔަރ ސެޝަނެއް ކުރިއަށް ގެންގޮސްފި
ސުކޫލް ދަރިވަރުންނާއެކު އެމްއެންޑީއެފް އޮފިސަރުން
އެމްއެންޑީއެފް މާލޭ އޭރިއާ ކޮމާންޑް، ހުޅުމާލޭ ފަޔަރ ސްޓޭޝަނުން، ހުރަވީ ސްކޫލާއި ހިރިޔާ ސްކޫލުގެ ކެޑޭޓުންނަށް ހިންގި ކެޑޭޓް ކޭމްޕްގައި ފަޔަރ އެވެއަރނަސް ސެޝަނެއް ކުރިއަށް ގެންގޮސްފިއެވެ.
ހުރަވީ ސްކޫލުގައި ކުރިއަށްގެންދިޔަ މި ސެޝަންގައި، އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، އަލިފާންނިވިއާއި ފަޔަރ ބްލޭންކެޓް ބޭނުން ކުރާނެގޮތުގެ މުހިންމު މަޢުލޫމާތުތައް ކިޔައިދީފައިވެއެވެ.
އަލިފާނުގެ ހާދިސާއެއް ހިނގައިފިނަމަ ޢަމަލުކުރަންވީ ގޮތުގެ މަޢުލޫމާތާއި ފަޔަރ ބްލޭންކެޓް އަދި އަލިފާންނިވި ބޭނުންކޮށްގެން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް ވަނީ އެމްއެންޑީއެފްއިން ދަސްކޮށްދީފައެވެ.
100 ކެޑޭޓުން ބައިވެރިވި މި ހަރަކާތްތަކުގައި މުދައްރިބުންގެ ގޮތުގައި ހަރަކާތްތެރިވީ އެމްއެންޑީއެފް މާލޭ އޭރިއާ ކޮމާންޑް، ހުޅުމާލޭ ފަޔަރ ސްޓޭޝަންގެ ސިފައިންނެވެ.
Republic of Maldives
ކޮމެންޓް