ޗައިނާގެ ރައީސް ޓްރަމްޕްގެ ވެރިކަމުގެ ރަސްމިއްޔާތުގައި ބައިވެރިވެވަޑައިނުގަންނަވައި ޚާއްސަ މަންދޫބަކު ފޮނުއްވާނީ

ޗައިނާގައި ހުކުރު ދުވަހު ފޮރިން މިނިސްޓްރީން އިއުލާންކުރި މި ނިންމުން ނިންމާފައިވަނީ ޓްރަމްޕް ޝީއަށް އާދަޔާ ހިލާފު ދައުވަތު ދެއްވިތާ މަހަކަށް ވުރެ ގިނަ ދުވަސް ފަހުންނެވެ.

“އަޅުގަނޑުމެން ތައްޔާރަށް މިތިބީ އެމެރިކާގެ އާ ސަރުކާރާއެކު މަޝްވަރާއާއި މުވާސަލާތު އިތުރުކޮށް، ޚިޔާލުތަފާތުވުންތައް ރަނގަޅަށް މެނޭޖްކޮށް، ދެފަރާތަށް ފައިދާހުރި އެއްބާރުލުން ފުޅާކޮށް، ޗައިނާއާއި އެމެރިކާގެ ގުޅުން ގުޅިގެން ސްޓޭބަލް، ދުޅަހެޔޮ އަދި ދެމެހެއްޓެނިވި ގުޅުމެއް ކުރިއަށް ގެންދިއުމަށާއި ދެގައުމު ގުޅިގެން މަސައްކަތް ކުރުމަށް" އެ މިނިސްޓްރީގެ ތަރުޖަމާނު އެ ނިންމުން އިއުލާން ކުރައްވަމުން ވިދާޅުވި އެވެ.

ޓްރަމްޕްގެ ވެރިކަމަށް ދައުވަތު ދިނުމާ ބެހޭ ގޮތުން ބޭރުގެ އެހެން ލީޑަރުން ވާހަކަ ދައްކާފައިވާއިރު، އޭގެ ތެރޭގައި އާޖެންޓީނާގެ ރައީސް ހާވިއާ މިލޭ އާއި އިޓަލީގެ ޕްރިމިއާ ޖިއޯޖިއާ މެލޯނީ ހިމެނެ އެވެ. އިކުއެޑޯގެ ރައީސް ޑެނިއަލް ނޮބޯއާ އާއި ޕެރަގުއޭގެ ރައީސް ސަންޓިއާގޯ ޕެނާގެ އޮފީސްތަކުން ވެސް ވަނީ އެމީހުންނަށް ދައުވަތު ދީފައިވާ ކަމަށާއި އެކަމަށް ބައިވެރިވުމަށް ރާވާފައިވާ ކަމަށް ބުނެފަ އެވެ.

ވޮޝިންޓަންގައި ހުންނަ ތިންކް ޓެންކް ސްޓިމްސަން ސެންޓަރުގެ ޗައިނާ ޕްރޮގްރާމްގެ ޑިރެކްޓަރު ސަން ޔޫން ވިދާޅުވީ ޝީގެ މި ފިޔަވަޅުގެ މާނައަކީ "ޗައިނާ އިން ޕްރޮޓޮކޯލް ދޫކޮށް ޓްރަމްޕް ބޭނުންވާ ގޮތަށް ކަންތައް ކުރަން ތައްޔާރަށް އޮތް" ކަމަށެވެ.

"އެއިން ދޭހަވަނީ ޗައިނާއިން ވާހަކަ ދައްކަން ތައްޔާރަށް އޮތް ކަމާއި، މަޝްވަރާކޮށް، އެއްބަސްވުމަކަށް އައުމަށް މަސައްކަތް ކުރަން ތައްޔާރަށް އޮތްކަން،" ސަން ލިޔެފައިވެ އެވެ.

އޭޝިއާ ސޮސައިޓީ ޕޮލިސީ އިންސްޓިޓިއުޓްގެ ބައިނަލްއަގްވާމީ ސަލާމަތާއި ޑިޕްލޮމެސީގެ ނައިބު ރައީސް ޑެނީ ރަސެލް ވިދާޅުވީ ބެއިޖިން އިން ހެޖް ކުރަމުންދަނީ ޝީގެ ބަދަލުގައި ހާން ފޮނުވައިގެން ކަމަށެވެ.

"ޑޮނަލްޑް ޓްރަމްޕްގެ ކާމިޔާބީގެ ތަޚުތަށް އިށީނދެވަޑައިގަތުމުގައި ޝީ ޖިންޕިންގް އަށް ޕޮޓް ޕްލާންޓެއް ގޮތުގައި އިނުމުގެ ފުރުސަތު ޒީރޯ، ހަމައެއާއެކު، ޓްރަމްޕްގެ އިގޯ އަށް ގެއްލުން ނުލިބޭ ވަރަށް ޗައިނާއިން އިހުތިރާމް ފޯރުކޮށްދޭކަން ކަށަވަރުކުރުން،" ރަސެލް ލިޔެފައިވެ އެވެ.

ހާން ފޮނުވާލަން ފަށާފައި މިވަނީ އެމެރިކާއާއި ޗައިނާގެ ވާދަވެރިކަން އިތުރަށް ވަރުގަދަވާން ފަށާފައިވާ ދަނޑިވަޅެއްގައެވެ. ކެބިނެޓްގެ މުހިންމު މަގާމުތަކަށް ޓްރަމްޕް ނަންގަވާފައިވާ ބައެއް ބޭފުޅުންނަކީ ޗައިނާގެ މަޝްހޫރު ހޮކްސްތަކެއް ކަމަށާއި އޭގެ ތެރޭގައި ސެކްރެޓަރީ އޮފް ސްޓޭޓްގެ މަގާމަށް ކުރިމަތިލެއްވި ފްލޮރިޑާގެ ސެން މާކޯ ރޫބިއޯ ވެސް ހިމެނެ އެވެ. ސެނެޓްގެ ޚާރިޖީ ގުޅުންތަކާ ބެހޭ ކޮމިޓީގެ މެމްބަރުން ރޫބިއޯއަށް ޗައިނާއާ ދެކޮޅަށް މަސައްކަތް ކުރުން އެންމެ އިސްކަމެއް ދިނުމަށް ރޫބިއޯ އަށް އިލްތިމާސް ކުރުމުން ބުދަ ދުވަހު އޭނާގެ ކޮންފަރމަންސް އަޑުއެހުމުގައި ޗައިނާ ވަނީ "މި ގައުމު މިހާތަނަށް ކުރިމަތިލާފައިވާ އެންމެ ވަރުގަދަ، ނުރައްކާތެރި އަދި އެކުވެރިންނާ ގާތް ދުޝްމަނެއް" ކަމަށް ވިދާޅުވެފަ އެވެ.

ބެއިޖިން އިން ލީޑަރ ލެވެލްގެ މަޝްވަރާތަކަށް އިސްކަންދޭއިރު، އެއީ ދެގައުމުގެ ގުޅުންތަކަށް މަގުދައްކައިދޭނެ ކަމެއް ކަމަށް ބެއިޖިން އިން ބުނާއިރު، ޓްރަމްޕް ގަޔާވަނީ ސީދާ ދުނިޔޭގެ ލީޑަރުންނާ މުއާމަލާތް ކުރުމަށެވެ.

ރައީސްގެ ހައިސިއްޔަތުން ޝީ ވަނީ ދައުލަތުގެ ދަތުރުތަކާއި ސަމިޓްތަކަށް ރާއްޖެއިން ބޭރަށް ދަތުރުކުރައްވާފައެވެ. އެކަމަކު ޗާލްސް ތިންވަނަ ރަސްގެފާނުގެ ތަޚުތަށް އިށީނދެވަޑައިގަތުމުގައި ބައިވެރިވެވަޑައިނުގަންނަވާ ކަމަށާއި، ރާނީ އެލިޒަބަތު ދެވަނަގެ ޖަނާޒާއަށް ނުވަތަ ނެލްސަން މަންޑޭލާގެ ހަނދާނީ ޖަލްސާއަށް ވެސް ނުދާ ކަމަށެވެ. އޭގެ ބަދަލުގައި އޭނާ ފޮނުއްވީ ނައިބު ރައީސުންނެވެ. ހާން އަކީ ޗާލްސް ތިންވަނަ ރަސްގެފާނު ތަޚުތަށް އިށީނދެވަޑައިގަތުމަށް އޭނާގެ ޚާއްޞަ މަންދޫބެކެވެ. ޑިސެމްބަރު މަހު ޓްރަމްޕް ޝީ އިފްތިތާހު ކުރެއްވުމަށް ދައުވަތު ދެއްވި އިރު، ގިނަ ބަޔަކު ގަބޫލުކުރީ ޝީ އައުމަކީ ގާތް ކަމެއް ނޫނެވެ.