ދިވެހިރާއްޖޭއާއި އިންޑިއާއާ ދެމެދު އުފެދިފައިވަނީ ބަދަހި ގުޅުމެއް: ޚާރިޖީ ވަޒީރު ޒަމީރު

ގުޅުން އިތުރަށް ބަދަހިވާނޭ ކަމުގެ ފުރިހަމަ ޔަގީންކަން އޮތްކަން ހާމަކުރެއްވި

ދިވެހިރާއްޖޭ އާއި އިންޑިއާއާ ދެމެދު އުފެދިފައިވަނީ ބަދަހިގުޅުމެއްކަމަށާއި އަދި މި ގުޅުން ކުރިއަށް އޮތް ދުވަސްތަކުގައިވެސް އިތުރަށް ބަދަހިވާނޭ ކަމުގެ ފުރިހަމަ ޔަގީންކަން އެބައޮތް ކަމަށް ޚާރިޖީ ވަޒީރު މޫސާ ޒަމީރު ވިދާޅުވެއްޖެެއެވެ.

ޚާރިޖީ ވަޒީރު މިހެން ވިދާޅުވީ އިންޑިއާގެ 78 ވަނަ މިނިވަން ދުވަހުގެ މުނާސަބަތުގައި އިންޑިއާ ހައިކޮމިޝަނުން އިންތިޒާމް ކުރައްވައިގެން ބޭއްވި ޚާއްސަ އިވެންޓެއްގައި ވާހަކަފުޅު ދައްކަވަމުންނެވެ.

ޚާރިޖީ ވަޒީރުގެ ވާހަކަފުޅުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ގެ ފަރާތް ޕުޅުން އިންޑިއާގެ 78 ވަނަ މިނިވަންދުވަހުގެ ތަހުނިޔާ އިންޑިއާގެ ރައީސް ދުރޫޕަދީ މުރުމޫއާއި އިންޑިއާގެ ބޮޑުވަޒީރު ނަރެންދުރަ މޯދީއަށް ރައްދުކުރެއްވިއެވެ.

އަދި އިންޑިއާއަކީ ދިވެހިރާއްޖޭގެ ތަރައްޤީގެ މުހިއްމު ބައިވެރިއެއްކަމަށް ސިފަކުރައްވައި ރާއްޖެއާއި އިންޑިއާއާއެކު ތަފާތު އެކި ދާއިރާތަކުން ގުޅުން ބަދަހިވެފައިވާ ކަމަށާއި އަދި ކުރިއަށް ތާންގައިވެސް މި ގުޅުން އިތުރަށް ބަދަހިވާނޭ ކަމުގެ ފުރިހަމަ ޔަގީންކަން އޮތްކަން ހާމަކުރެއްވިއެވެ.

ޝަރަފުވެރި މެޙެއްމާނެއްގެ ހައިސިއްޔަތުން ޚާރިޖީ ވަޒީރު ބައިވެރިވެވަޑައިގެންނެވި މި އިވެންޓްގައި ރާާއްޖޭގައި ހުންނަ އިންޑިއާގެ ހައިކޮމިޝަނަރ މުނޫ މަހާވަރު އަދި ހައިކޮމިޝަން އަދި މިނިސްޓްރީގެ އިސް މުވައްޒަފުން ބައިވެރިވިއެވެ.