ސަރުކާރު ދުރަށް ޖެހިލުމަށް ފައްޔާޒު ގޮވާލުމާއެކު ފަލާހުގެ ފާޑުކިޔުން އިތުރުވެއްޖެ
ޕީއެންސީގެ ޕާލިމެންޓަރީ ގްރޫޕްގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހް
ގައުމާއި ރައްޔިތުންނަށްޓަކައި ސަރުކާރުން ދުރަށް ޖެހިލުމަށް އެމްޑީޕީގެ ޗެއަރޕާސަން ފައްޔާޒު އިސްމާއިލް ގޮވާލުމާ ގުޅިގެން، ޕީއެންސީގެ ޕާލިމެންޓަރީ ގްރޫޕްގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހް ވަނީ ހަރުކަށި އިބާރާތުން ފާޑުކިޔާފައެވެ.
ފަލާހް ވިދާޅުވި ގޮތުގައި، އެމްޑީޕީގެ ވެރިކަމުގައި "ހަލާކުކޮށްލާފައި ދިޔަ ކަންކަން ރަނގަޅުކުރާނީ ކިހިނެއްތޯ" އެވެ. އަދި "މަޑުކޮށްލާފައި އަނެއްކާވެސް މާލިއްޔަތަށް ދެތިން ބިލިއަން ޑޮލަރު ލާފައި 2033 ގައި ގޮވާލާނަން" ކަމަށް ވެސް ވިދާޅުވިއެވެ.
ފަލާހް އިތުރަށް ފާޑުކިޔަމުން ވިދާޅުވީ، ކުޅުދުއްފުށީގައި ބޮޑު ޖަލްސާއެއް ބޭއްވުމަށް ވިޔަފާރިވެރިއެއްގެ އަތުން ނަގާފައިވާ ކަމަށް ބުނާ 40 މިލިއަން ރުފިޔާއިން، މިފަހަރު އެމްޑީޕީގެ މަސައްކަތުގައި އުޅޭ ކުދިންނަށް އެއްޗެއް ދޭން ޖެހޭނެ ކަމަށެވެ.
މި މައްސަލައިގައި އެމްޑީޕީގެ ފަރާތުން އަދި އިތުރު އެއްވެސް ބަޔާނެއް ނެރެފައެއް ނުވެއެވެ. ނަމަވެސް މި ދެ ޕާޓީގެ ދެމެދުގައި ސިޔާސީ ހަމަނުޖެހުން އިތުރުވަމުންދާކަން ފާހަގަކުރެވެއެވެ.
ސިޔާސީ މާހިރުން ފާހަގަކުރާ ގޮތުގައި، މިފަދަ ބަހުސްތައް އިތުރުވަމުން ދިއުމަކީ ކުރިއަށް އޮތް ދުވަސްތަކުގައި ސިޔާސީ މަޝްރަހު އިތުރަށް ހޫނުވެގެން ދާނެކަމުގެ ނިޝާނެ
ކެވެ.
Republic of Maldives
ކޮމެންޓް