ޙައްޖު ކޯޕަރޭޝަންގެ ޙައްޖުވެރިން މައްކާއަށް ދަތުރު ފަށައިފި
ޙައްޖުވެރިން
ޙައްޖު ކޯޕަރޭޝަންގެ ހަވާލުގައި މިއަހަރު ޙައްޖުގެ އަޅުކަން އަދާކުރުމަށް ސައުދީ އަރަބިއްޔާއަށް ޒިޔާރަތްކޮށްފައިވާ ދިވެހި ޙައްޖުވެރިން މަޝާއިރުގެ އެންމެހާ ކަންކަން ފުރިހަމަކޮށް، މިހާރު ވަނީ މައްކާއަށް ދަތުރު ފަށާފައެވެ.
މިކަން ހާމަކުރައްވަމުން ޙައްޖު ކޯޕަރޭޝަންގެ މެނޭޖިންގ ޑިރެކްޓަރ މުޙައްމަދު ޝަކީލް ވިދާޅުވީ، "އަޅުގަނޑުމެން އެދެނީ ހުރިހާ ޙައްޖާޖީންނަށްވެސް މަބުރޫރު ޙައްޖަކަށް" ކަމަށެވެ.
މިއަހަރުގެ ޙައްޖު މޫސުމުގައި ދިވެހި ޙައްޖުވެރިންގެ ކަންކަން ވަރަށް އޮމާންކޮށް ކުރިއަށްދާކަން ފާހަގަކުރެވެއެވެ. މަޝާއިރުގެ އަޅުކަންތައް ކަމުގައިވާ އަރަފާތު ވުގޫފާއި، މުޒްދަލިފާގައި ހޭދަކުރުމާއި، ޖަމަރާތުގައި ރަމީ ކުރުންފަދා އަޅުކަންތައް ޙައްޖުވެރިން ވަނީ ފުރިހަމަކޮށްފައެވެ.
ޙައްޖު ކޯޕަރޭޝަނުން މިއަހަރު ޙައްޖުވެރިންނަށް ފޯރުކޮށްދޭ ޚިދުމަތްތަކުގެ ފެންވަރު ރަނގަޅުކުރުމަށް ޚާއްޞަ ސަމާލުކަމެއް ދީފައިވާކަން ފާހަގަކުރެވެއެވެ. މީގެ ތެރޭގައި ދަތުރުފަތުރާއި، ހުރުމުގެ އިންތިޒާމުތަކާއި، ސިއްޙީ ޚިދުމަތްތައް ހިމެނެއެވެ.
މައްކާއަށް ދަތުރުކުރުމަށްފަހު ޙައްޖުވެރިން ޠަވާފުލް ވަދާޢު ފުރިހަމަކޮށް، އެއަށްފަހު ދިވެހިރާއްޖެއަށް އެނބުރި ވަޑައިގަންނަވާނެ ކަމަށް ބެލެވެއެވެ.
Republic of Maldives
ކޮމެންޓް