ތިނަދޫ ޤައުމީ ޔުނިވަރސިޓީގެ ޖޮބް ފެސްޓިވަލްގައި ވެމްކޯއިން ބައިވެރިވެއްޖެ
ވެމްކޯ މުވައްޒަފުން
ގދ. ތިނަދޫ ޤައުމީ ޔުނިވަރސިޓީން އިންތިޒާމްކޮށްގެން ކުރިއަށްގެންދާ "ފަހި ފުރުސަތު 2025" ޖޮބް ފެސްޓިވަލްގައި ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ވަނީ ބައިވެރިވެފައެވެ.
މި ފެސްޓިވަލްގައި ވެމްކޯއިން ވަނީ، އެ ކުންފުނިން މިހާރު ފޯރުކޮށްދެމުންދާ ޚިދުމަތްތަކާއި، ކުންފުނީގައި ހުރި ވަޒީފާގެ ފުރުސަތުތަކާ ބެހޭ މަޢުލޫމާތު ފެސްޓިވަލްގެ ބައިވެރިންނާ ހިއްސާކޮށްފައެވެ.
ވެމްކޯއިން މި ފެސްޓިވަލްގައި ބައިވެރިވުމުގެ މައިގަނޑު މަޤްޞަދަކީ، ހުވަދު އަތޮޅުގެ ޒުވާނުންނަށް ވަޒީފާގެ ފުރުސަތުތައް ހޯދައިދިނުމާއި، ކުންފުނީގެ ޚިދުމަތްތަކާ ބެހޭ މަޢުލޫމާތު އާންމުންނާ ހިއްސާކުރުމެވެ.
ވެމްކޯއަކީ ރާއްޖޭގެ ކުނި މެނޭޖްކުރުމުގެ ދާއިރާގައި އެންމެ އިސްކޮށް މަސައްކަތްކުރާ ސަރުކާރުގެ ކުންފުންޏެވެ. މި ކުންފުނިން ވަނީ ފާއިތުވި އަހަރުތަކުގައި ގިނަ ޒުވާނުންނަށް ވަޒީފާގެ ފުރުސަތުތައް ހޯދައިދީފައެވެ.
"ފަހި ފުރުސަތު 2025" ޖޮބް ފެސްޓިވަލްގައި ވެމްކޯގެ އިތުރުން އެހެން ގިނަ ކުންފުނިތަކަކުން ވެސް ވަނީ ބައިވެރިވެފައެވެ. މި ފެސްޓިވަލްގެ ސަބަބުން ހުވަދު އަތޮޅުގެ ޒުވާނުންނަށް ވަޒީފާގެ ގިނަ ފުރުސަތުތަކެއް ލިބިގެންދާނެ ކަމަށް ބެލެވެއެވެ.
Republic of Maldives
ކޮމެންޓް