އެމްޑީޕީއަކީ ރާއްޖެ ހަލާކުކުރި ބައެއް : ޔާމީން

އެމްޑީޕީގެ ވެރިކަމަކީ އެއްވެސް ދާއިރާއަކުން ބަލައިގަންނަން ފަސޭހަ ނަމޫނާއެއް ނޫން ކަމަށާއި، އެއީ ރާއްޖެ ހަލާކުކުރި ބައެއް ކަމަށް ކުރީގެ ރައީސް ޔާމީން ޢަބްދުލްޤައްޔޫމް ވިދާޅުވެއްޖެއެވެ.

ކުރީގެ ރައީސް ޔާމީން އަބްދުލްޤައްޔޫމް، ޕީއެންސީގެ ޖަގަހަ ޖަލްސާގައި ވާހަކަފުޅު ދައްކަވަމުން ވިދާޅުވެފައިވަނީ، އެމްޑީޕީއަށް ވެރިކަން ނުލިބުމުން އަދި އިބްރާހީމް މުޙައްމަދު ޞާލިޙަށް ވެރިކަން ނުލިބުމުން އުފާކުރައްވާ ކަމަށެވެ. އެމަނިކުފާނު ވިދާޅުވެފައިވަނީ އެމްޑީޕީގެ ވެރިކަމަކީ އެއްވެސް ދާއިރާއަކުން ބަލައިގަންނަން ފަސޭހަ ނަމޫނާއެއް ނޫން ކަމަށާއި، އެއީ ރާއްޖެ ހަލާކުކުރި ބައެއް ކަމަށެވެ.

އިތުރަށް ވާހަކަފުޅު ދައްކަވަމުން، ރައީސް ޔާމީން ވިދާޅުވެފައިވަނީ އެމަނިކުފާނުގެ މުޑުވަކަކަށް ވެރިކަން ލިބުނީތީ އުފާކުރައްވާ ކަމަށާއި، މިހާރުގެ ރައީސުލްޖުމްހޫރިއްޔާގެ މަސައްކަތްތައް ތަރުތީބުކުރައްވައި، ރައްޔިތުންނަށް ކަންތައްތަކެއް ކޮށްދެއްވުމަށް އެދިވަޑައިގަންނަވާ ކަމަށެވެ.

އަދި އެމްޑީޕީގެ ވެރިކަމަކަށް ތާއީދު ނުކުރައްވާނެ ކަމަށާއި، ޤާސިމް އިބްރާހީމްގެ ވާހަކަފުޅުތަކަށްވެސް ތާއީދު ނުކުރައްވާނެ ކަމަށް ވިދާޅުވެފައިވެއެވެ.

ޖޭޕީގެ ލީޑަރު ޤާސިމް އިބްރާހީމް ކުރީ ސަރުކާރުތަކަށް ފާޑުވިދާޅުވެފައިވާތީ އެކަމަށް އިޝާރަތްކުރައްވައި ޔާމީން ވަނީ ވަރަށް ބޮޑަށް އޭނާއަށް ފާޑުވިދާޅުވެފައެެވެ. ޔާމީން ވިދާޅުވީ، ކުރީގެ ސަރުކާރުތަކުން ފަޅުރަށްތަކާއި ގިރިތަކުން އެންމެ ބޮޑެތި މަންފާތައް އޭނާއަށް ލިބިފައިވާ ކަމަށް ފާހަގަކުރައްވައި، މިހާރު ކުއްލިއަކަށް ރައްޔިތުންގެ މަޖިލީހުގެ ރައީސްކަން ހުސްވާހެން ހީވުމުން ސަރުކާރަށް ސަނާ ކިޔުއްވަން ފެއްޓެވީ ކަމަށް ޔާމީން ވިދާޅުވެފައިވެއެވެ. އަދި މިފަދަ ވާހަކަތައް ދައްކަވާއިރު، މިކަމަކީ ގިނަ ބަޔަކު ބަލައިގަންނާނެ ކަމެއް ނޫންކަމަށްވެސް ވިދާޅުވެފައިވެއެވެ.

"މިހާރު ކުއްލިއަކަށް ފާޅުވެގެން އުޅޭ މަހުދީއެއް މީ (ޤާސިމަކީ)." ރައީސް ޔާމީން ޤާސިމަށް އިޝާރަތްކުރައްވައި ވިދާޅުވިއެވެ.

ޔާމީން މިހެން ވިދާޅުވެފައިވާއިރު، މިއަހަރަށް ރައްޔިތުން މަޖިލިސް ހުޅުވި ދުވަހު ރައްޔިތުން މަޖިލީހުގެ އިދާރާގައި ޤާސިމް، ނޫސްވެރިންނާ ބައްދަލުކުރައްވައި ވަނީ މި ސަރުކާރަށް ވަރަށް ބޮޑަށް ތާޢީދުކުރައްވައި ވާހަކަފުޅު ދައްކަވާފައެވެ.