ކުޑަކުދިންގެ ޒާތީ މަޢުލޫމާތު ހާމަކުރުމާމެދު މިނިސްޓްރީން ކަންބޮޑުވުން ފާޅުކޮށްފި
އިޖުތިމާޢީ އަދި ޢާއިލީ ތަރައްޤީއާބެހޭ ވުޒާރާ
ކުޑަކުދިންގެ މައްސަލަތަކާ ގުޅުވައިގެން އެކުދިންގެ ފޮޓޯ އަދި ވީޑިއޯ އާންމުކޮށް، އެކުދިންގެ ޒާތީ މަޢުލޫމާތު ހާމަވާގޮތަށް މަޢުލޫމާތު ޝާއިޢުކުރަމުންދާތީ، އިޖުތިމާޢީ އަދި ޢާއިލީ ތަރައްޤީއާބެހޭ ވުޒާރާއިން ވަނީ ކަންބޮޑުވުން ފާޅުކޮށްފައެވެ.
މިނިސްޓްރީން ނެރުނު ބަޔާނުގައި ބުނެފައިވަނީ، ސީދާ ގޮތުންނާއި ނުސީދާ ގޮތުން ވިޔަސް ކުޑަކުދިންގެ ޒާތީ މަޢުލޫމާތު ދެނެގަނެވޭނެ ފަދަ މަޢުލޫމާތުތައް އާންމުކުރުމަކީ އެކުދިންގެ ޙައްޤުތަކަށް އަރައިގަތުމެއް ކަމަށެވެ.
ކުޑަކުދިންގެ ޙައްޤުތައް ރައްކާތެރިކުރުމުގެ ޤާނޫނުގެ ދަށުން، ކުޑަކުދިންގެ މަޢުލޫމާތު ހާމަކުރުމުގައި ޢަމަލުކުރަންޖެހޭ ވަކި އުސޫލުތަކެއް ކަނޑައެޅިފައިވާއިރު، މިފަދަ މަޢުލޫމާތު ހާމަކުރުމަކީ ޤާނޫނާ ޚިލާފު ކަމެއްކަން ފާހަގަކޮށްފައިވެއެވެ.
މީޑިއާ އަދި އާންމު ފަރުދުންވެސް ކުޑަކުދިންނާ ގުޅޭ މަޢުލޫމާތު ހާމަކުރުމުގައި އިތުރަށް ސަމާލުވުމަށާއި، ކުޑަކުދިންގެ މަސްލަހަތު ރައްކާތެރިކުރުމަށް މިނިސްޓްރީން ވަނީ ގޮވާލާފައެވެ.
އަދި މިފަދަ ޢަމަލުތައް ހުއްޓުވުމަށް ކަމާބެހޭ އިދާރާތަކާ ގުޅިގެން މަސައްކަތްކުރާނެ ކަމަށް މިނިސްޓްރީން ވަނީ ބަޔާނުގައި ފާހަގަކޮށްފައެވެ.
ވަން ޑައިރެކްޝަން ބޭންޑުން ގިނަ ބައެއްގެ މަގުބޫލުކަން ހޯދި ލިއަމް ޕޭން މަރުވެއްޖެ
ކޮމިއުނިކޭޝަންސް އޮތޯރިޓީ މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި ރައީސް ހަމަޖައްސަވައިފި
ރާއްޖޭގެ ބޮޑު ބަޔަކަށް ޔެލޯ އެލާޓް ނެރެފި
Republic of Maldives
ކޮމެންޓް