މިއަދު މަޖިލީހުގެ ހުރިހާ ގޮނޑިއެއްގައި އެ އިންނެވީ މުއިއްޒު : މާރިޔާ
ކުރީގެ ޑިފެންސް މިނިސްޓަރ މާރިޔާ ދީދީ
ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) މެދުވެރިކޮށް އައިޑެންޓިޓީ ވައްކަންކުރުމުގެ މައްސަލަތަކާ ގުޅޭގޮތުން އެއްވެސް ފިޔަވަޅެއް ނޭޅޭ ކަމަށް ބުނެ ކުރީގެ ގަލޮޅު އުތުރު ދާއިރާގެ މެންބަރު މާރިޔާ ދީދީ ވަނީ ފާޑުވިދާޅުވެފައެވެ.
މާރިޔާ ދީދީ މިކަމާ ގުޅޭގޮތުން ފާޑުވިދާޅުވެފައިވަނީ މިއަދު ރައްޔިތުންގެ މަޖިލީހުގެ ޖަލްސާގައެވެ. އެމަނިކުފާނު ވިދާޅުވި ގޮތުގައި މިފަދަ ބޮޑު މައްސަލައެއްގައި ސަރުކާރުގެ ފަރާތުން އެކަށީގެންވާ ފިޔަވަޅުތަކެއް އަޅާފައި ނުވާކަން ފާހަގަކުރެއްވިއެވެ.
"މިއަދު މަޖިލީހުގައި ހުރިހާ ގޮނޑިއެއްގައި އެ އިންނެވީ ރައީސް މުއިއްޒު. ފަނޑިޔާރުގޭގެ ގޮނޑިތަކުގައި ވެސް އެ އިންނަވަނީ ރައީސް މުއިއްޒު،" މާރިޔާ ދީދީ ވިދާޅުވިއެވެ.
އައިޑެންޓިޓީ ވައްކަމުގެ މައްސަލަތަކަކީ ވަރަށް ސީރިއަސް މައްސަލަތަކެއް ކަމަށާއި، މިކަމުގައި ވަޒީރުން އިސްވެ ތިއްބަވައިގެން ވެސް އެކަށީގެންވާ ފިޔަވަޅުތަކެއް އަޅާފައި ނުވާކަން އެމަނިކުފާނު ފާހަގަކުރެއްވިއެވެ.
މި މައްސަލައިގައި އަވަސް ފިޔަވަޅުތަކެއް އެޅުމަށް ސަރުކާރަށް ގޮވާލައްވައި، މިފަދަ ކަންކަމުގައި ޒިންމާދާރު ފަރާތްތަކުން އަވަސް ފިޔަވަޅުތަކެއް އަޅަންޖެހޭ ކަމަށް މާރިޔާ ދީދީ ވަނީ ވިދާޅުވެފައެވެ.
Republic of Maldives
ކޮމެންޓް