ޑީބީއެމްގެ ރޯލްއައުޓް ކުރިއަށްދަނީ ފުރަތަމަ މަރުހަލާގައި: ވަޒީރު ސައީދު
އިގްތިސާދީ ތަރައްގީ އަދި ވިޔަފާރީގެ ވަޒީރު މުހައްމަދު ސައީދު
ޑެވެލޮޕްމެންޓް ބޭންކް އޮފް މޯލްޑިވްސް (ޑީބީއެމް) ގެ ރޯލްއައުޓް ތިން މަރުހަލާއަކަށް ބަހާލެވިފައިވާއިރު، މިހާރު ކުރިއަށްދަނީ ފުރަތަމަ މަރުހަލާ ކަމަށް އިގްތިސާދީ ތަރައްގީ އަދި ވިޔަފާރީގެ ވަޒީރު މުހައްމަދު ސައީދު މިއަދު ވަނީ ހާމަކުރައްވާފައެވެ.
ސޯޝަލް މީޑިއާ ޕްލެޓްފޯމް "އެކްސް" ގައި ވަޒީރު ހިއްސާކުރެއްވި މަޢުލޫމާތުގައި، ޑީބީއެމްގެ ވިޔަފާރި މޮޑެލްގައި މައިގަނޑު ގޮތެއްގައި އަމާޒުކުރެވިފައިވަނީ އިންސްޓިޓިއުޝަނަލް އިންވެސްޓަރުންނާއި ބޮޑެތި އިންފްރާސްޓްރަކްޗަރ މަޝްރޫޢުތަކަށް ކަމަށް ވިދާޅުވިއެވެ. އަދި ކުރިއަށް އޮތް މަރުހަލާތަކުގައި ރީޓެއިލް ޚިދުމަތްތައް ތަޢާރަފުކުރުމަށް ވަނީ ރޭވިފައި ކަމަށްވެސް ވަޒީރު ފާހަގަކުރެއްވިއެވެ.
މީގެއިތުރުން ވަޒީރު ސައީދު ވިދާޅުވި ގޮތުގައި، "ހަމައެކަނި ޑީބީއެމް ނޫން ނަމަވެސް ހަމަޖެހުން މިހާރު ގެނެސްދެނީ، ޕަބްލިކް ފައިނޭންސް ބެލެހެއްޓުމުގައި ފުރިހަމަ މުދައްރިސެއް ނެތް ޒިންމާދާރުކަން ކުޑަ ސަރުކާރަކުން އަޅުގަނޑުމެންނަށް ވާރުތަވި ގޯސްކަމުން އަރައިގަނެގެން" ކަމަށެވެ.
ޑެވެލޮޕްމެންޓް ބޭންކް އޮފް މޯލްޑިވްސްއަކީ ރާއްޖޭގެ އިގްތިސާދީ ތަރައްގީއަށް އަމާޒުކޮށްގެން ގާއިމުކުރެވުނު ސަރުކާރުގެ ބޭންކެކެވެ. މި ބޭންކުގެ މައިގަނޑު މަގްސަދަކީ ރާއްޖޭގެ ތަރައްގީގެ މަޝްރޫޢުތަކަށް ފައިނޭންސިންގ ފޯރުކޮށްދިނުމެވެ.
Republic of Maldives
ކޮމެންޓް